Amdanom Ni

Parc Dewi Sant yw adnoddau cynadleddau a chyfarfod Ysgol y Gwyddorau Dynol ac Iechyd, Prifysgol Abertawe ar ein campws yng Nghaerfyrddin. Mae amrywiaeth o ystafelloedd cyfarfod, ystafelloedd seminar, adnoddau cynadledda a hyfforddiant ar gael. Mae’r holl adnoddau yma wedi’u lleoli o fewn tiroedd prydferth sydd wedi’u cynllunio, ychydig funudau o ganol tref Caerfyrddin, sy’n hawdd ei gyrraedd o’r gorllewin a’r M4. Mae’r adnoddau cynadledda arloesol wedi’u gosod mewn amgylchedd hamddenol gyda digon o barcio yn rhad ac am ddim a golygfeydd gwych o Ddyffryn Tywi.

Rydym yn deall anghenion a galwadau busnes yma yng ngwasanaethau cynadledda Parc Dewi Sant. Mae modd i ni ddarparu’r amgylchedd perffaith i gynnal cyfarfodydd sy’n gofyn am adnoddau arloesol am bris cystadleuol. Gyda 15 ystafell hyblyg ar gyfer cyfarfodydd, cynadledda a hyfforddiant mae ein prisiau cystadleuol yn dechrau ar £30 ar gyfer ystafell seminar a hyd at £140 ar gyfer diwrnod llawn yn ein cyfleuster hyfforddiant cyfrifiadurol. Mae modd llogi ein hystafelloedd cyfarfod am hanner diwrnod neu ddiwrnod llawn. Gellir trafod llogi gyda’r nos ac ar benwythnosau. Rydym yn cynnig:

• Ystafelloedd cyfarfod sy’n ddelfrydol ar gyfer cyfarfodydd busnes neu gyfarfodydd anffurfiol (eistedd hyd at 26)
• Ystafelloedd cynadledda ar ffurf rhesi theatr (gyda system awyru)
• Fideo-gynadledda
• Swît hyfforddiant cyfrifiadurol
• Adnoddau PowerPoint a SMART board
• Arlwyo
• Digon o barcio yn rhad ac am ddim
• Ceisiadau funud olaf
• Ystafelloedd â golau dydd naturiol