Adnoddau

Mae Parc Dewi Sant yn cynnig 15 ystafell hyblyg ar gyfer cyfarfodydd, cynadledda a hyfforddiant i hyd at 71 cynrychiolydd. Mae ein prisiau cystadleuol yn dechrau ar £30 ar gyfer ystafell seminar hyd at £140 ar gyfer ein hadnodd hyfforddiant cyfrifiadurol. Mae gan ein hystafelloedd olau dydd naturiol a gellir eu llogi fel arfer am hanner diwrnod neu ddiwrnod cyfan a gellir trafod ynghylch llogi gyda’r nos ac ar benwythnosau.

Arolwg o’r adnoddau

• Man cyfarfod addas ar gyfer cyfarfodydd, cynadleddau, hyfforddiant, arholiadau a lansiadau
• Yn agos i ganol tref Caerfyrddin
• Mynediad anabl llawn
• Mynediad Wi-Fi rhad ac am ddim
• Parcio rhad ac am ddim ar y safle
• Argaeledd trwy gydol y flwyddyn
• Ceisiadau funud olaf
• Fideo-gynadledda
  

Yr ystafelloedd sydd ar gael

Ystafelloedd Cyfarfod
Mae gan Barc Dewi Sant ystod eang o ystafelloedd cyfarfod sy’n eistedd rhwng 12 ac 16 o bobl yr un. Mae’r ystafelloedd yn ddelfrydol ar gyfer cyfarfodydd busnes neu wybodaeth. Mae cyfrifiaduron â mynediad i’r rhyngrwyd, taflunydd a chyswllt diwifr i’r rhyngrwyd (Wi-Fi) ar gael ymhob stafell.

Ystafelloedd Hyfforddiant
Mae gan Barc Dewi Sant amrywiaeth o ystafelloedd hyfforddiant ar gyfer 20-38 o bobl yr un, gydag amrywiaeth o drefniadau eistedd, sy’n cynnwys byrddau neu heb fyrddau. Mae cyfrifiaduron â mynediad i’r rhyngrwyd, taflunydd a chyswllt diwifr i’r rhyngrwyd (Wi-Fi) ar gael ymhob stafell.

Ystafell Seminar
Mae gennym un ystafell seminar sydd ar gael i 8 o bobl. Mae gliniadur â mynediad i’r rhyngrwyd a Theledu Sgrin Fflat, a chysylltiad diwifr (Wi-Fi) ar gael ymhob ystafell.

Theatrau Cynadledda
Mae gan Barc Dewi Sant dair theatr ddarlithio, sy’n eistedd rhwng 50-71 o bobl. Mae’r adnoddau yn cynnwys y dechnoleg ddiweddaraf gyda nifer o nodweddion yn cynnwys cyfrifiadur â mynediad i’r rhyngrwyd a thaflunydd, ac mae cyswllt diwifr i’r rhyngrwyd (Wi-Fi) ar gael ymhob ystafell, yn ogystal â fideo-gynadledda.

Fideo-gynadledda
Mae gennym ystafell Fideo-gynadledda Diffiniad Uchel penodedig ar gyfer hyd at 8 o gyfranogwyr.

Swît Hyfforddiant Cyfrifiadurol
Mae’r swît hyfforddiant cyfrifiadurol yn cynnwys 50 cyfrifiadur sydd wedi’u rhwydweithio ar gyfer eich anghenion hyfforddiant. Mae gan y cyfrifiaduron fynediad i’r rhyngrwyd ac i daflunydd. Mae mynediad rhad ac am ddim Wi-Fi ar gael ymhob ystafell.

Switiau Ymarfer Clinigol
Mae gan Barc Dewi Sant swît sgiliau clinigol wedi’i gyfarparu â’r adnoddau diweddaraf ar gyfer y rheiny sydd angen offer clinigol arbenigol.

Cyfleusterau ychwanegol ym Mharc Dewi Sant

Arlwyo
Darperir arlwyo ar gyfer anghenion y cwsmer a gellir gofyn am fwydlenni. Mae Te, Coffi a dŵr potel hefyd ar gael am gost ychwanegol.

Digon o barcio yn rhad ac am ddim
Mae’r tir sylweddol sy’n amgylchynu Parc Dewi Sant a’r parcio rhad ac am ddim yn golygu bod y lleoliad hwn yn ddewis gwych ar gyfer cyfarfodydd cwmni, cynadleddau, hyfforddiant neu ddiwrnodau cwrdd i ffwrdd.